Në Filadelfia, SHBA, një rrugë e re është emërtuar me emrin e heroit kombëtar shqiptar, Gjergj Kastrioti Skënderbeu. Ky është rasti i tretë në SHBA ku një rrugë mban këtë emër.
Në këtë qytet, përveç rrugës, ndodhet edhe shkolla shqipe “Gjuha jonë,” e cila ka 20 vite që funksionon. Së fundmi, është përfunduar rikonstruksioni i godinës së “Shtëpisë së shqiptarit,” që tashmë mirëpret komunitetin shqiptar. Eva tregon se bashkëpunimi me bashkinë e Filadelfias bëri të mundur që rruga përballë shkollës të mbajë emrin e Skënderbeut.
Ngjarja ka emocionuar komunitetin shqiptar, veçanërisht ata që e realizuan këtë arritje. Biznesmenë, prindër dhe anëtarë të shoqatës “Bijtë e Shqipes” u përfshinë në proces, duke krijuar një moment historik. Eva Dori shprehu emocionet e saj për këtë lajm, duke e cilësuar si një nga momentet më prekëse që ka dokumentuar.
