Tre ditë pas vrasjes së 14-vjeçarit Martin Cani, kryeministri Edi Rama është kujtuar të flasë për ngjarjen tragjike, rrjetet sociale dhe ndikimin e tyre në sherrin e ndodhur mes të miturve.
Duke folur para mediave ai nuk u ndal fare te dështimi i oficerëve në shkolla dhe kontrollet e munguara, por tha se rrjetet sociale janë fajtore dhe kanë një ndikim e presion të madh te fëmijët.
Për këtë arsye ai tha se do hedhë për diskutim me prindërit opsionin për mbylljen e Snapchat dhe TikTok ose vendosjen e filterave për përdorimin e tyre.
"TikTok dhe SnapChat thithin fëmijët ne labirintet e tyre. Autoritei i mësuesve dhe puna jonë në shtëpi për edukimin e fëmijëve sfidohen nga bota paralele e këtyre rrjeteve, ku nuk ka asnjë filtër. Në Australi po tentohet ndalimi i aksesit të fëmijëve në rrjetet sociale deri në 16 vjeç. Problemi ende i hapur mbetet mungesa e një sistemi të zbatimit të tyre si rezultat i vështirësisë së aspektit teknik. Tani dilema jonë si qeveri është nëse duhet të provojmë edhe ne të ecim në drejtim të vendosjes së filtrave, ku në fakt nga eksperiencat e deritanishme ku efektiviteti i tyre është i ulët ku rastet e bullizmit rriten. Ose të ndërmarrin masën drastike të mbylljes së TikTok dhe SnapChapt, Do e hedhin për diskutim për të marrë një vendim sa më demokratik për një problem kaq të madh”.
Por se sa do zbatohen këto vendime mbetet për t’u parë pasi koha e ka treguar se Rama në prag të fushatave zgjedhore e shfrenon pak imagjinatën, rasti i satelitëve.
