Një qytetar shqiptar që jeton jashtë vendit ka denoncuar një fenomen shqetësues që po ndodh në Shqipëri, përmes një mesazhi dërguar redaksisë së JOQ Albania. Sipas tij, punonjës të administratës publike po detyrohen të mbledhin të dhëna personale të qytetarëve, përfshirë numrat e telefonit, adresat, kodet postare dhe të tjera. Këto të dhëna kërkohen me detyrim dhe në mënyrë sistematike nga punonjësit shtetërorë.
Në mesazhin e tij, qytetari tregon se një kushëri i tij, i cili punon në administratë, ka marrë urdhër të sjellë një listë me të dhënat e 20 qytetarëve, duke ndier frikë për vendin e tij të punës nëse nuk i përmbush kërkesat. Ai e përshkruan këtë situatë si një "përdhunim mendor" që i bën njerëzit të ndihen të frustruar dhe të pamundur për t'u rebeluar.
“Shteti si burg i partisë”
Denoncuesi shpreh zemërimin e tij për atë që e quan “shteti është kthyer në burg të partisë.” Ai shton se ky lloj presioni është një nga arsyet kryesore pse qytetarët po largohen nga vendi. “Vetëm në Shqipëri kam parë që shteti të shndërrohet në një mjet shtypjeje ndaj qytetarëve të vet,” shkruan ai.
Apeli për ndërgjegjësim dhe denoncim
Në fund të mesazhit, qytetari bën thirrje për ndërgjegjësim dhe denoncim publik të këtyre rasteve, duke paralajmëruar se nëse këto praktika vazhdojnë të kalojnë pa ndëshkim, ato do të thellohen më tej. Sipas tij, shtypja dhe presioni mbi qytetarët janë një reflektim i një sistemi të shkatërruar, ku liria dhe dinjiteti janë vënë në rrezik për interesa politike.
Kjo situatë ngre pyetje të forta për standardet e demokracisë dhe transparencës në administratën publike shqiptare, duke kërkuar vëmendje dhe reagim të menjëhershëm nga institucionet përkatëse dhe organizatat e të drejtave të njeriut.
Në vijim mesazhi i plotë: "Pershendetje JOQ! Doja te beja nje denoncim per nje fenomen qe po ndodh ne Shqiperi se fundmi. Une jetoj jashte dhe nga nje kushuri i imi qe jeton aty dhe punon ne administrate, me vjen nje leter ku kerkohen te dhenat, numer telefoni, bashkia ku voton, adresa, kodi postar, etj. I kane kerkuar te gjeje 20 emra me detyrim. Me ben pershtypje se si ne Shqiperi ka vdekur liria e veprimit, ndihesh i frustruar, i mbytur dhe i perdhunuar menderisht vetem per te mbajtur nje vend pune ne shtet. Shikoni se cfare i detyrojne njerezit te bejne... Te te behet shteti jot burg prej partise vetem ne Shqiperi kam pare. Mendoj qe po nuk u denoncuan keto raste ata si ndalon njeri dhe do vazhdojne te bejne keto shtypje. Prandaj dhe ikin njerezit, perfshire dhe mua... Ju faleminderit nese e postoni".
