Një 35-vjeçar shqiptar, Iliaz Ismaili, ka humbur jetën pas një aksidenti në Desenzano, Itali.
Ai po udhëtonte me motor kur u përplas nga një furgon në via Gramsci, pranë buzës së liqenit.
I plagosur rëndë, 35-vjeçari u dërgua në spital dhe iu nënshtrua një operacioni gjatë natës. Për fat të keq, i riu shqiptar nuk mundi të mbijetojë për shkak të traumës dhe plagëve të marra.
Iliaz Ismaili punonte si banakier në hotelin Villa Rosa në Desenzano.
