21 vjeçari nga Malisheva, Rilind Thaqi, që vdiq në një aksident në Itali javën e kaluar, do të varroset sot.
Varrimi i tij, sic kanë njoftuar familjarët, do të bëhet sot në ora 14:00 në varrezat e fshatit Pllaqicë.
“Miq e bashkëvendas, ju njoftojmë se varrimi i djalit te agjes, Rilind Thaqit behet sot në orën 14:00 ne varrezat e fshatit Pllaqice”, ka shkruar një nga familjaret e të ndjerit.
Ai ka vdekur teksa po kthehej nga Jesolo në zonën e Venedikut, pasi vetura e tipit BMW me të cilin po udhëtonte, që drejtohej nga kushëriri i tij 24 vjeçar, kishte dalë nga rruga dhe ishte përplasur me një shtyllë nga ana e pasagjerit, ku edhe ndodhej Rilindi.
Kushëriri i tij që kishte qenë duke drejtuar veturën ka pësuar lëndime dhe pas trajtimit në spital është liruar.
