Balerini i njohur rus Vladimir Shklyarov, kritik i hapur i luftës në Ukrainë, humbi jetën në rrethana misterioze, duke rënë nga kati i pestë i një ndërtese në Shën Petersburg. Autoritetet ruse e cilësuan fillimisht ngjarjen si aksident, duke e lidhur me përdorimin e qetësuesve para një operacioni të vështirë në shtyllën kurrizore.
Shklyarov, 39 vjeç, baba i dy fëmijëve dhe artist i nderuar, ishte një balerin i shquar i Teatrit Mariinsky. Në 2022, ai shprehu publikisht kundërshtimin e tij ndaj luftës, duke kërkuar paqe dhe solidaritet. Ngjarja e tij tragjike pason një sërë vdekjesh misterioze të kritikëve të Kremlinit dhe aleatëve të Vladimir Putinit.
