Një shpërthim i ngjashëm me lëndët plasëse ose piroteknike ka tronditur Kamzën në orët e para të mëngjesit të ditës së sotme.
Shpërthimi ka ndodhur rreh orës 03:30 të mëngjesit të sotëm në rrugën “Arben Broci” në shkallët e jashtme të një godine të përshtatur si studio muzikore në pronësi të qytetarit me iniciale A.A.
Si pasojë e shpërthimit, ka vetëm dëme materiale (janë dëmtuar pllakat e mermerit dhe xhamat).
Nga informacionet e deritanishme bëhet e ditur se nê studio nuk ka pasur njeri brenda në momentin e ngjarjes dhe pronari i studios ndodhej tek familjarët në Itali dhe nuk është mundur të merret në pyetje.
Grupi hetimor po vazhdon punën për sqarimin e rrethanave të ngjarjes.
