Ndeshja mes Rumanisë dhe Kosovës është mbyllur pasi lojtarët kosovarë nuk kanë pranuar të rikthehen në fushë pas koreve anti-shqiptare.
Thirrjet “Serbia, Serbia” dhe hedhjet e sendeve në fushë bashkë me hyrjen e disa tifozëve sollën ndërprerjen e ndeshjes dhe futjen e ekipeve në dhomat e zhveshjes për arsye sigurie.
Gjyqtari kryesor i ndeshjes Rumani-Kosovë ka kërkuar që ndeshja të vazhdohet, por lojtarët e Kosovës nën drejtimin e kapiten Rrahmanit nuk kanë pranuar të kthehen dhe ndeshja është mbyllur.
Tani do jetë UEFA-s ajo që do të vendosë për fatin e këtij takimi dhe mbetet për t’u parë nëse Kosova do të bëjë ankesa në organet kompetente dhe të presë nëse do të ketë ndonjë dënim.
