Ditën e sotme mijëra qytetarë gjeorgjianë sulmuan parlamentin në Sukhumi, kryeqyteti i rajonit të shkëputur gjeorgjian të Abhazisë, duke kërkuar dorëheqjen e kryeministrit dhe anulimin e një marrëveshjeje me Rusinë.
Me ndihmën e një kamioni, ata thyen portat e hekurta dhe hynë në ndërtesë, duke brohoritur kundër një marrëveshjeje investimi me Moskën.
Opozitari Temur Gulia tha se fillimisht kërkesa ishte anulimi i marrëveshjes, por tani populli kërkon largimin e Bzhanias.
Protestuesit pushtuan gjithashtu zyrat presidenciale, ndërsa raportohen të paktën nëntë të lënduar. Ngjarja pasqyron zemërimin ndaj ndikimit rus dhe politikave të udhëheqjes lokale.
Sukhumi është kryeqyteti i rajonit të shkëputur të Abhazisë, një territor i kontestuar në Gjeorgji që ka shpallur pavarësinë, por që njihet vetëm nga disa vende, përfshirë Rusinë.
