Në redaksinë tonë ka mbërritur një video shqetësuese të një pusete pa kapak, rreth një metër e thellë, përpara stacionit të urbanit në bllokun Gintash.
Kjo situatë paraqet rrezik për këmbësorët, të cilët, teksa zbresin nga urbanët, mund të përfundojnë në këtë grackë të padukshme.
Puseta pa kapak, jo vetëm vë në rrezik jetën e qytetarëve, por tregon mungesë të thellë përgjegjësie nga autoritetet përkatëse.
"Dashtë Zoti nuk bie njëri këtu brenda, se një lajm kronike është i sigurt! Te blloku Gintash përpara stacionit të urbanit. Sa dalin njerzit nga urbani u del para kjo puseta pa kapak një metër e thellë", shkruan qytetari.
