Ndeshja mes Devollit dhe Tomorit u shoqërua me tensione të larta dhe përplasje mes tifozëve dhe drejtuesve.
Incidentet filluan pasi një lojtar i Tomorit mori karton të kuq, gjë që shkaktoi reagime të ashpra. Pas vendimit, zyrtarët e Tomorit hynë në fushë dhe situata u përkeqësua kur një nga lojtarët bëri një veprim provokues duke ulur tutat para tifozëve të Devollit.
Ky provokim ndezi tifozët e Devollit, të cilët nisën të shanin në drejtim të lojtarëve kundërshtarë. Si rezultat, forcat e sigurisë ndërhynë dhe larguan tifozët e Devollit nga stadiumi, duke e përfunduar ndeshjen në një atmosferë të tensionuar.
