Një situatë alarmante vazhdon prej javësh në plazhin natyral tek Kodra e Marines në Sarandë. Qartësisht në kodër po planifikohet ndërtimi i një resorti të ri nga një oligark ende i panjohur dhe inertet po hidhen në det për të krijuar terren për ndërtimin e resortit.
Një qytetar i shqetësuar ka denoncuar publikisht këtë veprim, duke bërë thirrje për ndërhyrjen e menjëhershme të autoriteteve.
Sipas denoncimit, maunet e ngarkuara me inerte po mbushin bregun, duke shkatërruar ekosistemin dhe peizazhin natyror të zonës.
“Po shohim me shqetësim se plazhi ynë i vetëm natyral po ndotet çdo ditë e më shumë. Kjo situatë është e papranueshme,” shprehet denoncuesi, duke e përshkruar si një shkatërrim të detit për qëllime përfitimi.
