Një i ri është plagosur me thikë mbrëmjen e kaluar në Pogradec.
Disa kalimtarë te Rruga Rinia vunë re të riun, rreth 30-vjeç dhe menjëherë njoftuan policinë dhe ambulancën.
Ata kanë treguar për JOQ ALBANIA se në fillim kishin menduar se i riu ishte i dehur dhe ishte rrëzuar në tokë. Por kur janë afruar kanë parë se ai ishte pa shenja jete dhe me plagë në bark dhe brinjë.
Ende nuk dihen rrethanat e kësaj ngjarje dhe as kush fshihet pas saj. Pritet njoftimi i policisë për më shumë detaje.
Njoftimi i policisë:
Pogradec
Në lidhje me një video të publikuar mëngjesin e sotëm, në portalin "JOQ", në të cilën shfaqet një shtetas i shtrirë në hyrje të një pallati, informojmë se:
Specialistët për Hetimin e Krimeve të Komisariatit të Policisë Pogradec kanë identifikuar shtetasin që shfaqet në këtë video.
Nga këqyrja paraprake e trupit të këtij shtetasi, nuk janë konstatuar shenja dhune apo shenja që mund të jenë shkaktuar nga mjete të forta/prerëse.
Shtetasi O. Xh., 40 vjeç, ka deklaruar se ka qenë në gjendje të dehur, mbrëmjen e djeshme, dhe është rrëzuar aksidentalisht në hyrje të pallatit ku banonte, në rrugën “Rinia”.
Ky shtetas mori ndihmën e parë mjekësore dhe aktualisht është në gjendje të mirë shëndetësore.
Mesazhi i qytetarit:
Sot ne mbremje ne Pogradec tek rruga rinia rreth ores 7 mbasdite kemi par kete djalin rreth 30 vjece ai ishte i plagosur dhe nuk dukeshe shenja jete. Pas disa kontaktesh kemi ber te mundur ardhjen e policis dhe ambulances. Ishte I plagosur me dukej se me thik ne bark dhe ne brinj menduam se ishte ne gjendje te dehur dhe shkuam ta ndimonim pastaj vum re se ishte i plagosur
