Pas ngjarjes së rëndë të disa ditëve më parë në Serbi, ku një çati betoni në një stacion hekurudhor u shemb, duke vrarë 14 persona dhe duke plagosur rëndë tre të tjerë, ministri i Transportit dhe Infrastrukturës ka dhënë dorëheqjen.
Ai bëri të ditur dorëheqjen e tij gjatë një konference shtypi për çështjen, por ajo duhet të miratohet nga parlamenti serb.
Stacioni i trenit në fjalë është rindërtuar dy herë në vitet e fundit. Rinovimi ishte pjesë e një marrëveshjeje me kompanitë kineze të ndërtimit.
Sipas kritikëve zë pushtetit, kjo ngjarje e rëndë është pasojë e korrupsionit dhe mungesës së transparencës.
Opozita madje ka kërkuar dorëheqjen e zyrtarëve të tjerë të lartë, përfshirë kryeministrin dhe presidentin.
Po presidenti Vuçiç nuk ka pranuar asnjë pjesë të përgjegjësisë për ngjarjen.
Autoritetet serbe po vijojnë hetimet për ngjarjen dhe deri tani janë marrë në pyetje 40 persona.
