Të paktën 158 persona kanë humbur jetën në fatkeqësinë më të madhe të përmbytjeve në Spanjë, ndërsa ekipet e shpëtimit luftojnë për të gjetur të mbijetuar.
Të enjten, më shumë se 1,200 punëtorë, të ndihmuar nga dronët, u vendosën në misionin e shpëtimit ndërsa shirat vazhduan të kërcënonin pjesë të vendit.
Të paktën 155 vdekje u regjistruan në Valencia, ndërsa dy të tjera janë regjistruar në Castilla-La Mancha në perëndim të provincës dhe një tjetër, nje në Andaluzi.
Në qytetin Paiporta, Valencia ku një lumë ka dalë nga brigjet e tij, të paktën 40 vdekje janë regjistruar deri më tani.
Drejtuesit e automjeteve kanë rrëfyer tmerrin e bllokimit nga baticat në rritje të martën, e cila i ktheu autostradat dhe rrugët në lumenj shumë nga ata që mbijetuan u ngjitën në pemë ose ura për të shpëtuar.
Zyrtarët nuk kanë bërë të ditur numrin e njerëzve ende të zhdukur, por thanë se ka "shumë", pasi numri u rrit me rreth 60 vdekje të tjera të enjten.
Më shumë se 90 vdekje u regjistruan vetëm të mërkurën, menjëherë pas shirave të rrëmbyeshëm dhe përmbytjeve, të cilat prekën kryesisht Valencia-n, si dhe Castilla-La Mancha dhe deri në jug deri në Malaga.
Qyteti i Chiva pranë Valencias mori ekuivalentin e reshjeve të një viti në vetëm tetë orë sipas agjencisë meteorologjike spanjolle Aemet.
Ndërsa paralajmërimet e mëtejshme për shiun u lëshuan për jugun dhe lindjen e vendit të enjten, Mbreti Felipe VI paralajmëroi se urgjenca "ende nuk kishte përfunduar" dhe kryeministri Sánchez paralajmëroi qytetarët që të strehohen aty ku është e nevojshme.
Spanja filloi një periudhë zyrtare zie kombëtare treditore të enjten me flamuj në gjysmështizë në ndërtesat qeveritare dhe duke mbajtur minuta heshtje.
Zemërimi i publikut po rritet për mënyrën sesi një vend i zhvilluar evropian duket se nuk ka arritur të paralajmërojë me kohë shumë komunitete për rrezikun e përmbytjeve.
Numri i të vdekurve është më i keqi nga përmbytjet në Spanjë që nga viti 1973, kur të paktën 150 njerëz u vlerësuan të kenë vdekur në provincat juglindore të Granadës, Murcias dhe Almerias.
