Zgjedhjet presidenciale të SHBA-ve që do të mbahen më 5 nëntor po afrohen dhe kompanite të basteve kanë publikuar kuotimet e tyre mbi shanset e kandidatëve për të fituar.
Sipas këtyre të dhënave, ish-presidenti Donald Trump është më i favorizuar për të fituar zgjedhjet.
Donald Trump, kandidati republikan, ka një koeficient prej 1.57 për të fituar zgjedhjet, ndërsa Kamala Harris, kandidatja demokrate, ka një koeficient prej 2.8. Këto shifra sugjerojnë një avantazh të dukshëm për Trump.
Koeficientët për partinë fituese tregojnë një shans më të madh për republikanët me 1.53, ndërkohë që demokratët kuotohen me 2.7. Për kandidatët e pavarur, koeficienti prej 501 dëshmon se mundësia e një fitoreje të tyre është thuajse e pamundur.
Bastet ofrojnë gjithashtu opsione të ndryshme mbi aspekte specifike të zgjedhjeve, të cilat tregojnë tendencat e votave dhe pritshmëritë për kandidatë të veçantë.
Ja disa prej tyre:
Donald Trump të fitojë në Georgia dhe North Carolina: Me një koeficient prej 1.4, ka një pritshmëri të lartë që Trump të sigurojë votat e këtyre dy shteteve kyçe në jug, të cilat kanë qenë shpesh faktorë vendimtarë në zgjedhje.
Kamala Harris të marrë më shumë vota sesa Hillary Clinton në 2016: koeficienti 1.12 tregon një probabilitet të lartë që Harris do të fitojë më shumë mbështetje në krahasim me Clinton.
Trump të fitojë mbi 75 milionë vota: koeficienti 1.4 tregon besimin se Trump ka një shans të madh për të tejkaluar këtë prag të rëndësishëm, duke reflektuar përkrahjen e fortë të bazës së tij elektorale.
Trump të fitojë në Arizona, Georgia dhe Pennsylvania: Nëse arrin të fitojë secilin prej këtyre shteteve të diskutueshëm, Trump ka një shans të madh për të siguruar fitoren. Koeficienti prej 1.44 e bën këtë skenar relativisht të mundshëm, duke pasur parasysh rëndësinë e këtyre shteteve në zgjedhje.
