Një aksident i rëndë ka ndodhur mbrëmjen e sotme në rrugën “Qafë e Buallit-Vajkal”. Një automjet tip “Benz” u përplas me kolonën e mbikalimit që lidh Lagjen e Vjetër me Lagjen e Re të qytetit të Bulqizës. Si rezultat, drejtuesi i mjetit ka mbetur i plagosur rëndë.
Menjëherë pas aksidentit, policia dhe një ambulancë mbërritën në vendngjarje për të ofruar ndihmën e nevojshme. I plagosuri u transportua në spitalin e Bulqizës, ku mori ndihmën e parë.
Pas trajtimit të parë, ai u dërgua për në Spitalin e Traumës në kryeqytet për ndihmë të mëtejshme.
