Një studente transgjinore ka denoncuar vështirësitë që po has për për t’u regjistruar në Fakultetin e Drejtësisë.
Studentja, e cila në dokumentet zyrtare figuron me emrin e gjinisë mashkullore Ersil Myrtollari, ka përfunduar studimet Bachelor për Shkenca Politike në Universitetin e Elbasanit dhe dëshiron të ndjekë një fakultet të dytë në Tiranë.
Në jetën e përditshme, ajo prezantohet si Luana Myrtaj, pasi prej tre vitesh ka kryer një ndërhyrje estetike, bërjen e gjoksit.
Në një intervistë, ajo tregon se ka kërkuar disa herë informacion në sekretari, por është përballur me bullizim, duke iu drejtuar me emrin e saj të vjetër nga ID-ja.
“Unë nuk e kuptoj pse duhet të trajtohem në këtë mënyrë. Dua të mbroj të drejtat e komunitetit që përfaqësoj dhe kërkoj të drejtën time për të studiuar. Jam ndjerë e bullizuar dhe kjo më ka çuar drejt një tentative për vetëvrasje,” shprehet ajo.
