Dalip Dugolli, i njohur si Dario, është dënuar me 10 vjet e gjashtë muaj burg në Itali, pas akuzave për tentativë vrasjeje.
55-vjeçari, shqiptar nga Kosova, goditi me thikë ish-gruan dhe vajzën e saj 20-vjeçare gjatë një debati në banesë, më 8 tetor të vitit të kaluar. Vendimi u shpall mëngjesin e së hënës (28 tetor 2024) nga prokurori i gjykatës së Monzës, Andrea Giudici, i cili e konsideroi rastin shumë serioz.
Gjatë ngjarjes, Dugolli kishte sulmuar ish-gruan dhe vajzën, të cilat fatmirësisht arritën të mbijetonin falë ndihmës së shpejtë nga mjekët. Fqinjët thirrën autoritetet për ndihmë. Këta dëshmitarë pohuan se ngjarja nuk ishte e para, pasi mes ish-çiftit kishin ndodhur edhe debate të tjera dhe keqkuptime.
Prokurori Alessandro Pepè kishte kërkuar fillimisht tetë vjet burg për Dugollin, por gjykata vendosi një dënim më të rëndë, duke reflektuar natyrën e dhunshme të veprës së tij.
