Një zjarr i fuqishëm ka përfshirë një stallë bagëtish në fshatin Vukatanë, Shkodër, mbrëmjen e kaluar, duke djegur plotësisht 22 derra, bazën ushqimore për bagëtitë dhe një pjesë të një automjeti të parkuar afër stallës. Ngjarja ka ndodhur rreth orës 21:10 në pronën e shtetasit A. Gj.
Sipas dyshimeve paraprake, shkaku i zjarrit mund të ketë qenë një shkëndijë elektrike. Materialet procedurale janë referuar Prokurorisë pranë Gjykatës së Shkallës së Parë Shkodër për veprime të mëtejshme.
