Një aksident tragjik ka ndodhur pasditen e djeshme në zonën e Bergamos, mes Morengo dhe Cologno al Serio.
Bilanci flet për një 43-vjeçar shqiptar i cili ka gjetur vdekjen e menjëhershme. Gëzim Margjoka po ngiste makinën e tij "Fiat Fiorino" kur u përplas kokë më kokë me një "Skoda Octavia" me një familje në bord. Në aksident është përfshirë një makinë e tretë, "Ford Fiesta", e cila ka përfunduar jashtë rrugës.
Pas përplasjes së dhunshme, "Fiorino" është përplasur me derën e një shtëpie dhe ka humbur jetën në vendngjarje. Ata që ndodheshin në mjetin "Skoda", burrë e grua me dy fëmijët e tyre u trajtuan nga mjekët e ambulancave dhe u transferuan në spital. Mes të plagosurve ishin edhe dy fëmijë të moshës 7 dhe 13 vjeç, të transportuar me autoambulancë në Breshia. Shoferi i Fiesta-s ka mbetur i padëmtuar.
Përveç ambulancave, në vendngjarje kanë qenë edhe Forcat Zjarrfikëse dhe Policia Rrugore për të rindërtuar dinamikën e aksidentit.
