“Ndotje mjedisore!”/ Ujërat e zeza vërshojnë në liqenin e Ohrit në zonën e frekuentuar

Në redaksinë e JOQ Albania ka mbërritur një denoncim nga një qytetar i Pogradecit, i cili raporton ndotjen e liqenit të Ohrit nga ujërat e zeza. Sipas tij, ujërat e zeza derdhen në liqen, duke shkaktuar ndotje në një zonë plazhi që frekuentohet gjerësisht nga banorët lokalë dhe turistët.

Në video e dërguar prej qytetarit shihet qartë momenti kur ujërat e zeza derdhen në liqen, duke ngritur shqetësime të mëdha për ndotjen mjedisore të shkaktuar.

Denoncimi i qytetarit:

"Përshëndetje JOQ! Ujërat e zeza që derdhen përsëri në liqenin e Ohrit pas vendosjes së kolektorit. Postojeni ju lutem këtë ndotje mjedisore! Video eshte filmuar sot ne mbremje ne plazhin publik te Uçkave, i cili frekuentohet shumë nga qytetarët e Pogradecit dhe jo vetëm."

Ky problem ngre alarmin për rrezikun që ndotja e tillë mund të sjellë për shëndetin publik dhe mjedisin në këtë zonë të rëndësishme turistike.

A është në dijeni të kësaj situate kryebashkiaku i Pogradecit, Ilir Xhakolli?