Në Durrës, një 34-vjeçar u arrestua nga policia pasi tentoi nën kërcënimin e thikës, të grabiste një market.
Ngjarja ndodhi rreth orës 15:30, në lagjen nr. 1, ku autori hyri në market dhe kërkoi xhiron ditore, duke kërcënuar punonjëset me thikë.
Ato njoftuan menjëherë policinë, ndërsa autori plagosi lehtë në dorë një prej punonjëseve teksa tentoi të arratisej.
Bëhet fjalë për qytetarin me inicialet O. Z., i cili u vu në pranga pak pas ngjarjes për tentativë grabitjeje.
