Një qytetar nga lagjja 17 pranë sigurimeve shoqërore në Durrës ka ngritur shqetësimin për zhurmat e vazhdueshme që shkaktojnë punimet ndërtimore në një pallat të ri në këtë zonë. Sipas mesazhit të mbërritur në redaksinë e JOQ Albania, punimet zgjasin nga ora 7 e mëngjesit deri në orën 9:30 të mbrëmjes, duke e bërë të pamundur një qëndrim të qetë për banorët.
Banorët theksojnë se në pallat ka të moshuar dhe fëmijë të vegjël që janë të ndjeshëm ndaj zhurmave intensive. Ata ngrenë pyetjen nëse oraret e punimeve janë në përputhje me rregullat ligjore dhe kërkojnë ndërhyrje nga autoritetet për të kufizuar kohën e punimeve për të garantuar një mjedis të qetë për banorët.
Pershendetje JOQ! Ne Durres ne lagjjen 17 prane sigurimeve shoqerore po ndertohet nje pallat dhe i vazhdojne punimet ne oren 7 te mengjesit deri ne 9.30 te darkes dhe me tutje. Ne pallat kemi moshe te trete dhe femije te vegjel dhe nga zhurmat e punimeve eshte bere i pamundur qendrimi i qete ne shtepite tona. Se di cfare ligji ekziston, por punime deri ne kete ore jam e sigurt qe nuk ka. Do ju lutesha nese do e publikonit.Faleminderit shume, anonim ju lutem!
