Një 25-vjeçare është proceduar penalisht në Tiranë pasi dyshohet se nxirrte në rrugë fëmijën e saj të mitur, vetëm 1 vjeçe gjysmë, për të lypur. Sipas njoftimit të Policisë, në Rrugën e Elbasanit u zbulua rasti i trishtueshëm, ku nëna e re, identifikuar si M. D., akuzohet për “Keqtrajtimin e të miturit” sipas nenit 124/b të Kodit Penal.
Kontrollet e intensifikuara të Komisariatit Nr. 1 kanë synuar parandalimin e fëmijëve në situata rruge, të cilët shpesh shfrytëzohen për përfitime financiare. Rasti i fundit vë në dukje një problem të rëndë social dhe ngre alarmin për mbrojtjen e të miturve nga shfrytëzimi dhe abuzimi.
