Një anije e dyshuar me eksplozivë ushtarakë për në Izrael, e quajtur “Kathrin”, u ankorua në Porto Romano të Durrësit pas refuzimit për t'u pranuar në Namibi dhe Maltë, duke ngritur shqetësime për shkelje të konventave ndërkombëtare nga Shqipëria.
Anija, 130 metra e gjatë, mbart dhjetë konteinerë dhe u vëzhgua një ditë pas fikjes së radarëve. Amnesty International ka ngritur alarmin se ngarkesa e saj, e cila dyshohet se do të përdoret në konflikte ushtarake, mund të kontribuojë në krime lufte ndaj civilëve palestinezë.
Gjithashtu, Shqiperia riskon shkeljen e ligjeve ndërkombëtare, duke lejuar ankorimin e anijes sipas kërkesave të konventes së Gjenevës, sipas Patrick Wickenit nga Amnesty International. Konflikti aktual në Gaza tashmë është konsideruar si një nga më vdekjeprurësit në historinë e përplasjeve izraelito-palestineze, me mijëra viktima nga të dyja palët.
Qeveria shqiptare ende nuk ka dhënë një përgjigje interesit të gazetarëve në lidhje me këtë situatë.
