Sali Berisha reagoi dje pas vendimit të GJKKO-së, e cila vendosi që kryetari i Partisë së Lirisë, Ilir Meta, të mbetet në qeli.
Berisha e dënoi vendimin, duke e cilësuar një akt dhune dhe terrori ndaj opozitës në Shqipëri, me synimin për ta lënë vendin pa një opozitë të vërtetë.
Ai përshëndeti deputetin Ervin Salianji dhe Ilir Metën, duke i quajtur ata të burgosur nga diktatura, dhe krahasoi situatën politike në Shqipëri me vende të tjera autokratike.
“Një përshëndetje të përzemërt sot për të gjithë oratorët e kësaj platforme, tribune, të fjalës së lirë që përcjellim çdo natë, të vërtetat e këtij regjimi antishqiptar. Përshëndes deputetin Ervin Salianji, në qelitë e burgjeve të diktaturës, aty ku është. Përshëndes kryetarin e PL-së, Ilir Meta në qelitë e burgjeve të diktaturës”,-tha ai.
