Shumë gola dhe spektakël ka dhuruar mbrëmja e sotme në Champions League.
Kryendeshja e raundit të tretë ishte pa dyshim përballja midis Barcelonës dhe Bayern, ku katalanasit u "hakmorrën" ndaj bavarezëve duke i mposhtur me rezultatin e thellë 4-1.
Tripleta e Rafinha dhe goli i Lewandowski i dhanë Barcelonës fitoren e dytë në Champions League.
Kjo është fitorja e parë e Barcelonës ndaj Bayern pas 9 vitesh. Fitorja e fundit e spanjollëve ndaj klubit gjerman u shënua në maj të vitit 2015.
Kujtojmë këtu që 4 vite më parë Bayern "poshtëroi" Barcelonën duke i mposhtur ata në "Camp Nou" me rezultatin 2-8.
Ndërkohë në ndeshjet e tjera, Manchester City bëri detyrën ndaj Spartës së Pragës, duke fituar 5-0. Nunes me dy asiste dhe një gol u shpall lojtari i ndeshjes, ndërsa Haaland realizoi dopietë.
Inter fitoi në fundin e ndeshjes ndaj Young Boys, me golin e realizuar nga Marcus Thuram në minutën e 93-të.
Liverpool mposhti minimalisht mes vështirësive në transfertë Leipzig me rezultatin 1-0.
Surpriza e mbrëmjes ishte humbja e Atletico Madrid në shtëpi ndaj Lille, ku francezët triumfuan me rezultatin 1-3. Me të njëjtin rezultat Feyenoord mposhti Benfica-n në transfertë.
