Një tender i dyshimtë ka ngjallur reagime në qytetin e Patosit. Bashkia Patos, me kryetar Fation Duro, ka shpallur fituesin e një tenderi me objekt "Ndërtim muri mbajtës me struktura metalike për përforcim bazamenti dhe rikonstruksion të rrugës së dëmtuar nga rrëshqitja e dherave." Fituesi i shpallur është kompania ED KONSTRUKSION, e zotëruar nga Alfred Ibrahimi, Ramadan Ibrahimi, Jorgjie Ibrahimi dhe Eduart Ibrahimi.
Sipas dokumenteve zyrtare, vlera e shpallur fituese është 31,454,580 lekë të reja pa TVSH (ose gati 380 milionë lekë të vjetra me TVSH), ndërsa fondi limit i parashikuar për këtë tender ishte 33,108,804 lekë të reja, që përkon me rreth 397 milionë lekë të vjetra me TVSH. Pra, vlera fituese përfaqëson rreth 95% të fondit limit.
Ndërsa procedura ishte e hapur, pjesëmarrja e vetëm katër firmave dhe fakti se fituesi ka ofruar vlerën më të lartë, ka ngjallur shqetësime për mungesën e konkurrencës reale. Sipas dokumentave të tenderit, tre firmat e tjera kanë ofruar vlera më konkurruese, por për arsye të pashpjegueshme nuk janë marrë në konsideratë.
Kjo situatë ka ngritur dyshime se tenderi mund të jetë manipuluar në favor të firmës fituese. Nuk do qe aspak çudi që një pjesë e konsiderueshme e fondeve mund të ketë përfunduar në xhepat e kryetarit të bashkisë, Fation Duro. Ju si mendoni?
