Gjykata e Posaçme kundër Korrupsionit dhe Krimit të Organizuar ka dënuar katër persona për tentativën e vrasjes së Xhevdet Plakut, duke u shpallur një dënim total prej 19.4 vite burg.
Ramazan Rapi, i njohur si Kep Arapi, është dënuar me 5 vite burg, ndërsa ish-shefi i Krimeve në Durrës, Dedan Gjoni, dhe dy të tjerë, Algert Rapi dhe Delvi Gjermëni, janë dënuar secili me 4.8 vite burg. Të gjithë të akuzuarit përfituan nga procesi i shkurtuar, duke iu ulur dënimi me një të tretën.
Ekzekutimi i Xhevdet Plakut ishte planifikuar për shkak të hakmarrjes. Ky plan për vrasjen e tij u zbuluar përmes përgjimeve të autoriteteve holandeze, të cilat përfshinin Dejvi Gjermen. Sipas dokumenteve të ardhura në autoritetet shqiptare, Dedan Gjoni, i cili ishte në detyrë në Policinë e Durrësit në vitin 2019, kishte shoqëruar Plakun dhe kishte njoftuar Gjermen për orën e lirimit të tij.
Pas kësaj, Gjermeni informoi Algert Rapin, nipin e Rexhep Rapit, për të realizuar ekzekutimin. Plani i krimit dështoi sepse Gjermeni filloi të kishte frikë se informacioni i dhënë mund të shkaktonte zbardhjen e situatës dhe gënjeu bashkëpunëtorët duke pretenduar se shënjestra kishte ikur.
Hetimet e SPAK-ut zbuluan gjithashtu se motivi për këtë atentat të planifikuar ishte dyshimi i Rexhep Rapit se Xhevdet Plaku kishte qenë përgjegjës për vrasjen e një të afërmi të tij në Itali në vitin 2000.
