VENDIMI/ Lorena e Kadastrës detyron punonjësit të punojnë të shtunën pa pagesë

Një qytetar ka denoncuar në redaksinë tonë një vendim skandaloz të Drejtoreshës së Përgjithshme të Agjencisë Shtetërore të Kadastrës, Lorena Goxhobelli.

Sipas denoncimit, një pjesë e punonjësve të ASHK janë të detyruar të punojnë të shtunave, pa pagesë.

Vendimi, i firmosur nga Goxhobelli përfshin ditën e sotme, 19 tetor 2024. Sipas qytetarit, ky abuzim me të drejtat e punonjësve ka nisur që në vitin 2023 dhe vazhdon të shkelë Kodin e Punës, duke i trajtuar ata si skllevër.

Denoncimi i qytetarit:

Përshëndetje JOQ, ja çfarë ndodh me punonjësit e ASHK. Çdo të shtunë pa pagesë, kjo ka nisur që në 2023, duke shkelur çdo kod pune e duke trajtuar njerëzit si skllevër, duke i detyruar të largohen vetë."

Vendimi i marrë nga Goxhobelli dhe praktika e ndjekur ngre shqetësime serioze mbi trajtimin e punonjësve dhe shkeljen e të drejtave të tyre ligjore.