Qytetarë nga Vlora kanë raportuar në redaksinë e JOQ Albania një situatë të pazakontë me mushkonjat, duke shprehur shqetësimin e tyre mbi praninë e madhe të këtyre insekteve, që janë vënë re në qytet edhe pse jemi në muajin tetor.
Njëri prej qytetarëve shkruan: "Përshëndetje, nuk di a është normale gjithë kjo mushkonjë tani në tetor. Sot gjatë ditës ka fluturuar një helikopter, dhe tani në darkë, mushkonjat janë përhapur në mënyrë të jashtëzakonshme. Flas për Vlorën."
Ndërsa një tjetër qytetar raportoi: "Përshëndetje nga Vlora. Vlora sot në mëngjes është pushtuar nga një mushkonjë e rrallë dhe shumë e madhe".
Këto raportime janë shoqëruar me foto dhe video që tregojnë praninë e mushkonjave, të cilat kanë shqetësuar banorët e zonës pasi sipas tyre situata është e pazakontë për këtë periudhë të vitit.
