Një incident ka ndodhur paraditen e sotme në kopshtin shtetëror nr. 3 në Sarandë, ku një debat mes punonjëseve u përshkallëzua në dhunë fizike.
Sanitarja e institucionit, Etleva Meta, u përplas me drejtoreshën Valbona Mehmeti lidhur me zbatimin e orarit dhe kryerjen e detyrave të saj.
Sipas raportimeve, debati nisi si një bisedë e tensionuar, por shpejt degradoi në përleshje, ku sanitarja sulmoi fizikisht drejtoreshën. Reagimi i Metës erdhi pas pakënaqësisë së saj ndaj kritikave për sjelljen dhe performancën në punë.
Policia u thirr menjëherë në vendngjarje dhe, pas hetimeve, vendosi ndalimin e Etleva Metës. Ajo tashmë përballet me akuzën “Goditje për shkak të detyrës”, duke pritur hapat e mëtejshëm ligjorë për zgjidhjen e çështjes.
