Porositë online për më shumë se një muaj, janë kthyer në makth për mijëra qytetarë. Kaosi i paprecedentë për marrjen e porosive të tyre ka shkaktuar konfuzion dhe pakënaqësi. Pakot e blera nuk njoftoheshin për mbërritje dhe shpesh vonoheshin për ditë të tëra. Nëse adresa e shtëpisë suaj ishte në Ali Dem, porosinë do ju duhej ta merrnit tek Fresku.
Shkaku i kësaj krize të tregut të blerjeve online me vleër mbi 1.5 MLD € në vit është bërë kompania shqiptare e dërgesave United Transport, e njohur ndryshe si Albanian Courier, pjesë e rrjetit të bizneseve të Mond Lekës të Western Union.
Deri para një muaji, pakot e blera online mbërrinin përmes Postës Shqiptare por ky shërbim iu dha kompanisë private Albanian Cargo Service. Qytetarët nuk dinin ku të ankoheshib teksa denoncime të pafundme mbushën redaksinë e JOQ.
”Albanian Courier nuk eshte i pregatitur per nje sasi kaq te madhe pakosh. Fajin e ka pronari qe ka marre persiper dicka per te cilen nuk ka investuar. Punonjesit vete jane shume te sjellshem dhe te gjindshem, por ki parasysh qe 2 punonjes duhet te merren me qindra telefonata ne dite.”
Leka dukej se kishte bërë një mish-mash me bizneset e tij pasi porositë ua shpërndante klientëve tek pikat e Western Union.
”Mua me moren nga Western Union, dhe kur shkova, aty ishte nje zgeqe, qe ishte komplet e papershtatshme per te mbajtur pako. Punonjeset me thane qe posta shqipetare i ka kaluar nje pjese te pakove tek kompani private, qe jane shume me bloze se shteti. Pakot e tjera qe kam me ate kompani, thjesht thone qe kane hyre ne shqiperi, po se ca behen smerret vesh pertej asaj”,-shkruan një qytetar.
“Mu dje me morren , me than qe qenkan te nje western union ne Rruge te durresit, se ca lidhje kam une qe te shkoj atje, kur posten e kam 20 metra larg se di”,-shkruan një tjetër.
Kompania e Mond Lekës realizoi një xhiro prej 1.8 MLN€ për vitin 2023, me fitim neto prej vetëm 14,000€ për këtë vit ndërkohë që vitet i kaluara kishte dalë me humbje.
Pas denoncimeve në JOQ, partneri privat postar i dërgesave të blerjeve online është ndërruar dhe nuk është më kompania e Lekës ajo që bën shpërndarjet. Po oligarku është “zhdukur” dhe përgjegjësia ka mbetur pa fajtor…
