Banorët e lagjes 1 në Durrës, kanë ngritur shqetësimin e tyre për ndërtimin e një pallati në vijën e parë të shetitores.
Sipas banorëve, ndërtimi ka filluar dhe është në fazën e themeleve. Për ndërtimin e pallatit 12-katësh punohet edhe të dielave që në orët e para të mëngjesit, teksa vinçat, ekskavatorët lëvizin nga ora 6 e mëngjesit, qetësia e banorëve po shkatërrohet edhe në ditët që normalisht duhet të jenë pushim.
“Nuk po na lënë të qetë as të dielave, kemi fëmijë të vegjël dhe të paktën një ditë në javë duam të pushojmë,” – thotë një banor i shqetësuar për JOQ, duke apeluar që të ndërhyhet për të ndaluar punimet të paktën gjatë të dielave.
Banorët kanë ngritur edhe një shqetësim tjetër serioz duke deklaruar se ndërtimi i këtij pallati po kryhet pa tabelën e detajeve të projektit dhe lejes përkatëse, duke ngjallur dyshime për ligjshmërinë e tij.
Sipas tyre, pallati po ndërtohet nga biznesmeni Fatmir Vualoti dhe ndodhet pranë New Pampas në vijën e parë të shetitores, duke zënë një pjesë të hapësirës publike.
“Kjo është e papranueshme. As një kanal fshati nuk fillohet pa tabelën e detajeve të projektit, ndërsa këtu po ndërtohet një pallat i madh pa asnjë informacion të dukshëm. Ky ndërtim duhet të ndalet derisa të sqarohet ligjërisht,” – shtojnë ata.
Banorët e lagjes i kanë bërë thirrje autoriteteve për ndërhyrje për të zgjidhur këtë situatë të paligjshme dhe shqetësuese por nuk kanë marrë asnjë reagim nga policia apo bashkia.
DENONCIMI
“Pershendetje JOQ, jam nje banor i lagjes 1 ne Durres . Tek pista e Kokve ne Durres ne vijen e pare te shetitores po ndertohet nje pallat i cili eshte ne fazen e themeleve. Punohet edhe dite te djele me vinc, eskavator dhe hekur qe ne 6 te mengjesit. Ju lutem se kemi edhe gemije te vegjel dhe nje dite ne jave pushojme publikojeni me shprese qe ta degjojne dhe te na lene te djelen te qete. Ka dhe nej gje te RENDESISHME : pallati thuhet qe so jete 12 kat ne vijen e pare dhe po ndertohet nag Fatmir Vualoti, ky ndertim nuk ka tabel fare edhe pse kane filluar themelet. Kjo pasi leja eshte e dyshimte. Edhe nje nje kanal fshati nuk punohet pa tabelen e detajeve te projektit dhe lejes. KY PALLAT Ngjitur me New Pampas ne vijen e pare duke marre pjese edhe nga shetitorja NUK KA TABELE. Me shpresen qe na ka mbetur vetem te JU , Faleminderit“
