Në redaksinë tonë kanë mbërritur video shqetësuese që tregojnë rrëshqitje të dheut në zonën e Bypass-it të Vlorës, duke krijuar situatë të rrezikshme për drejtuesit e automjeteve.
Reshjet e dendura të shiut gjatë pasdites së djeshme në Vlorë kanë shkaktuar rrëshqitje të dheut në Bypass-in e Vlorës.
Mësohet se është bllokuar një pjesë e rrugës në Orikum edhe rruga për në Radhimë.
I bëjmë thirrje qytetarëve që të shmangin kalimin në këtë segment rrugor, pasi rrëshqitja e vazhdueshme e dheut mund të çojë në aksidente të rënda.
Kalimi në këtë zonë duhet të evitohet deri në ndërhyrjet e duhura për stabilizimin e terrenit dhe sigurinë e plotë të rrugës.
