Ish-drejtorët e OSSH lahen në para kur bie fjala tek tenderat publikë. Duke qenë se edhe drejtori më ordiner i Rilindjes ka pasuri marramendëse imagjinoni të mëdhenjtë.
Njëri prej tyre është ish-inxhinieri i CEZ Enea Ngjela i katapultuar drejtor i OSSH pas Tik Kupit. Zari i Belinda Ballukut po ngroh karrigen si shefi i Tensionit të Lartë teksa u bën qoka lart e poshtë oligarkëve.
Në një tender të fundit me vlerë gati 1 MILION €, Ngjela ia ka bërë dhuratë familjes oligarkike Ismailaj.
Me shifra të frikshme parash, nën urdhrat e Belindës Ngjela i ngre tensionin oligarkëve të lobojnë për PS, duke fuqizuar krahun e zv/kryeministres.
Në tenderin e fundit, Ngjela elektrik i OSSH e ka ndarë një dorë të mirë me Ardit Ismailajn, nipin e oligarkut Sadik Ismailaj. Kompania është në pronësi të Ismailaj Grup ku kanë patur aksione i gjyshi, i ati Jonuz Ismailaj dhe xhaxhai Idajet Ismailaj, të cilët kanë vendosur që nga viti 2022, 100% të aksioneve t’i menaxhojë 36-vjeçar, emri i të cilit është më pak i lakuar.
IDAJET ISMAILAJ
Ismailajt janë zotërues të kompanisë ALB-STAR, pronarë të stadiumit me kullë, zotërues të disa koncesioneve dhe zaptues të plazhit të Manastirit mes Sarandës dhe Ksamilit.
Miliarda euro në tendera publikë kanë shkuar për fisin e oligarkëve, me pasuri marramendëse të përftuar si financues të Rilindjes, material plot për t’u investiguar e për t’u skeduar për verifikim të pasurisë.
Procedura e shënuar me Flamur të Kuq për skualifikim të të gjithë operatorëve ekonomikë në garë nga autoriteti prokurues, ndër to, dy kompani nuk kanë dhënë dokumentacion duke marrë pjesë fiktivisht në garë, me qëllim për të shpallur fitues VIBTIS.
Nëse nuk kishit dëgjuar për Adriatik Kupin, paraardhësin e Tensionit të Lartë në OSSH, ish-drejtori zar i pushtetit i cili funksionon si marionetë për grumbullim votash për partinë në zgjedhje, po ju bëjnë një pasqyrim të shkurtër.
Tallavaxhiu i OSSH po ashtu si pasardhësi i tij Ngjela, të fik dritat kur bie fjala për para shtetërore sepse edhe ky i fundit ka dhënë miliona euro tendera për klientë të ndryshëm të qeverisë, duke përmendur këtu një tender me shifër të majme prej 1.7 MILIARD Lekësh me TVSH për Ismailajt.
Duke kënduar tallava krah Veliajt, Kupi ia ka bërë hyzmetin pushtetit në forma të ndryshme e tashmë po shijon milionat nga procedurat e prokurimeve publike pasi i ka lënë shëndenë postit.
