Nëse ndiheni të lodhur gjatë gjithë kohës, mund të jetë më shumë sesa thjesht pasojë e një dite të vështirë.
Qoftë nëse mendoni për gjumin sapo zgjoheni, apo keni vështirësi të kalosh ditën pa zgjatur, kjo mund të jetë një shenjë që diçka tjetër po ndodh me shëndetin tuaj.
Sipas një studimi nga YouGov, 1 në 8 njerëz në Britani raportojnë se ndihen gjithmonë të lodhur, ndërsa 1 në 4 ndihen shpesh të lodhur.
Kjo lloj lodhjeje mund të ndikojë në jetën e përditshme dhe mund të vijë nga burime të ndryshme.
Më poshtë janë listuar 10 nga arsyet të cilat sipas ekspertëve mund të shkatojnë këtë ndjesi.
1. Nuk po merrni gjumë të mjaftueshëm Ky mund të duket si shkaku më i zakonshëm, por ka ndikim të madh te trupi juaj. Mungesa e gjumit të mjaftueshëm ju bën të shpërqendruar dhe nervoz gjatë ditës, pasi proceset e rëndësishme në tru dhe trup ndodhin ndërsa flemë.
2. Orari juaj i punës është i çrregullt Nëse puna juaj ka orare të ndryshueshme, mund të ndikojë te gjumi juaj. Ndryshimet e vazhdueshme nga mëngjesi në pasdite apo natë prishin ritmin natyror të trupit, duke shkaktuar lodhje dhe duke ju bërë më të ndjeshëm ndaj sëmundjeve.
3. Stresi i tepërt Pak stres është normal, por nëse stresi bëhet i tepërt, mund t'ju pengojë të keni një gjumë cilësor. Përpiquni të shmangni situatat stresuese dhe provoni teknika qetësuese për të përmirësuar gjumin.
4. Po konsumoni shumë kafeinë Edhe pse mund të mendoni se kafeja ju ndihmon të mos ndiheni të lodhur, përdorimi i tepërt i kafesë dhe pijeve energjike mund të shkaktojë lodhje dhe pagjumësi. Kafeina e tepërt është lidhur me zgjimet gjatë natës dhe ndjesinë e përgjumjes gjatë ditës.
5. Dehidratimi Mungesa e ujit në organizëm mund të shkaktojë lodhje të tepërt. Kur nuk pini ujë mjaftueshëm, kjo ndikon te energjia dhe përqendrimi juaj, duke e përkeqësuar gjumin.
6. Mungesë e vitaminave dhe mineraleve Nëse ndiheni të lodhur edhe pas një gjumi të mirë, mund të kesh mungesë të vitaminës B12, vitaminës D ose hekurit. Në këtë rast, do të ishte mirë të flisnit me një mjek për të kryer një analizë gjaku.
7. Ushqimi i pashëndetshëm Fast food-i dhe ëmbëlsirat e tepërta mund të pengojnë gjumin. Mungesa e lëndëve ushqyese si proteina mund të bëjë që trupi juaj të përdorë rezervat e yndyrës dhe muskujve, duke ju shkaktuar lodhje.
8. Mbipesha Mbipesha mund të rrisë rrezikun për çrregullime të gjumit si apnea, e cila ju bën të ndiheni të rraskapitur. Nëse mendoni se kjo është arsyeja e lodhjes tuaj, konsultohuni me një mjek.
9. Probleme shëndetësore të fshehura Disa sëmundje si hipotiroidizmi, sindroma e lodhjes kronike, skleroza e shumëfishtë mund të shkaktojnë lodhje të tepërt.
10. Varësia nga droga apo alkooli Studimet tregojnë se njerëzit që janë të varur nga droga ose alkooli kanë më shumë gjasa të ndiejnë lodhjes së tepërt.
