Një 13-vjeçar, i cili ishte larguar nga një qendër sociale në Elbasan, është gjetur këtë të premte.
Ngjarja ndodhi më 19 shtator, kur ai dhe dy të mitur të tjerë, një 13-vjeçar dhe një 14-vjeçar, u larguan nga qendra pa lënë gjurmë, por këta të fundit u gjetën dy ditë pas arratisjes.
Policia ka bërë të ditur se i mituri është kthyer në qendrën sociale dhe gjendja e tij shëndetësore është e mirë.
"Pas raportimit për largimin e tre fëmijëve më 19 shtator, nga një qendër sociale (dy 13-vjeçarë dhe një 14-vjeçar), ju njoftojmë se edhe 13-vjeçari i fundit është gjetur dhe është dorëzuar në qendër, në gjendje të mirë shëndetësore", njoftoi policia.
