Jeta ka ulje dhe ngritje, por ndonjëherë duket se disa njerëz ngecin në vend dhe nuk arrijnë të ecin përpara. Shpesh, nuk janë rrethanat e pafat ato që i pengojnë, por sjelljet dhe qëndrimet e tyre.
Më poshtë janë listuar 6 sjelljet që zakonisht i mbajnë njerëzit në vendnumëro:
1) Refuzojnë ndryshimin
Ndryshimi është pjesë e pashmangshme e jetës, por ka njerëz që gjithmonë e luftojnë atë. Ata që i qëndrojnë të njëjtave zakone, edhe kur ato nuk u shërbejnë më, përfundojnë 'të ngecur'. Ndryshimi nuk duhet parë si diçka e frikshme, por si një mundësi për rritje.
2) Frikësohen të ndërmarrin rreziqe
Të marrësh rreziqe është pjesë e rritjes, por disa njerëz janë aq të paralizuar nga frika e dështimit, sa nuk ndërmarrin asnjë hap përtej zonës së tyre të rehatisë. Dështimi nuk është fundi, por një mundësi për të mësuar dhe përmirësuar.
3) Perfeksionizmi i mban në 'vendnumëro'
Ndërsa të kërkosh përsosmërinë është e lavdërueshme, një obsesion me të mund t'i ndalojë njerëzit të bëjnë hapa përpara. Perfeksionistët shpesh vonojnë vendimet nga frika se nuk do të bëjnë gjithçka në mënyrën e duhur, duke ngecur në vend.
4) Nuk njohin mjaftueshëm veten
Vetëdija për veten është esenciale për rritjen personale. Ajo përfshin njohjen e dobësive dhe forcave tona, por shumë njerëz shmangin këtë introspeksion sepse u duket i vështirë dhe i pakëndshëm. Mungesa e vetëdijes krijon pengesa për përmirësimin personal.
5) Shmangin përgjegjësitë
Të marrësh përgjegjësi për jetën tënde është thelbësore për të ecur përpara në jetë. Shumë njerëz fajësojnë rrethanat ose të tjerët për vështirësitë e tyre, duke krijuar një "mentalitet viktime" që i mban në vend.
6) Shikojnë dështimet si fundin e rrugëtimit
Çdo njeri përjeton pengesa, por ata që ngecin i shohin ato si fundin e çdo përpjekjeje. Pengesat nuk janë dështime; ato janë thjesht 'feedback' që na mësojnë çfarë nuk funksionon dhe na japin mundësinë të përmirësohemi.
Gjithçka është çështje zgjedhjeje
Në fund të fundit, zgjedhjet që bëjmë kanë një ndikim të madh në mënyrën se si ecim përpara në jetë. Të pranosh ndryshimin, të ndërmarrësh rreziqe, të kesh vetëdije për veten dhe të marrësh përgjegjësi, janë të gjitha zgjedhje që mund të na ndihmojnë të ecim përpara.
