Prej disa javësh tanimë, në redaksinë e JOQ ALBANIA kanë mbërritur me qindra denoncime për ujin “Lajthiza”.
Qytetarët shprehen se uji i kësaj firme mban erë të rëndë (erë ilaçesh, kanalizimesh) si në paketimet e vogla ashtu edhe në ato të mëdha.
Edhe pse shumë prej qytetarëve kanë ndryshuar dyqanin ku e kanë blerë, duke menduar se ishte problem i izoluar, sërish kanë hasur të njëjtin problem edhe në dyqane, kioska apo markete të tjera.
Ata i bëjnë thirrje autoriteteve përgjegjëse që të dalin në terren për kontrolle të menjëhershme pasi një helmim nga uji i blerë, që pretendohet se i nënshtrohet të gjitha kontrolleve, do ishte skandal i vërtetë.
Uji “Lajthiza” mburret në rrjetet sociale për cilësinë e ujit dhe çmimet e fituara për këtë produkt, por denoncimet e vazhdueshme nga shqiptarët e vënë pikëpyetje diçka të tillë.
