Sulmuesi i Kombëtares, Qazim Laçi, ka shënuar një gol fantastik në Champions League në ndeshjen Sparta e Pragës – Salzburg, e cila u luajt duke nisur nga ora 18:45.
Laçi shënoi golin e tretë për skuadrën e tij Sparta e Pragës, që arriti një fitore të thellë me rezultatin 3-0.
Goli i sulmuesit të Kombëtares ishte mjaft brilant në realizim, pasi ai arriti të nxjerrë "bllof" mbrojtësat dhe portierin kundërshtar Blaswich falë aftësive të tij dribluese, duke e dërguar lehtësisht topin në rrjetë.
Sipas aplikacionit të statistikave "Sofascore", Laçi është vlerësuar si lojtari i dytë më i mirë në fushë për Spartën e Pragës me notën 7.7.
