Ish-presidenti Donald Trump i ka shpëtuar një tentative vrasje ditën e djeshme në klubin e tij të golfit në West Palm Beach, Florida.
Ryan Wesley Routh, 58 vjeç, është identifikuar si personi i dyshuar dhe është arrestuar pas përpjekjeve të Shërbimit Sekret Amerikan për ta neutralizuar atë.
Në orët e pasdites së dielës, ndërsa Trump po luante golf në kursin e tij, u dëgjuan të shtëna armësh në afërsi të tij. Routh, i cili besohet se ishte i armatosur me një AK-47 dhe kishte dy çanta shpine dhe një pajisje GoPro, u gjet rreth 400 deri në 500 metra nga ish-presidenti, i fshehur në shkurre. Sipas raportimeve, ai kishte qëlluar në drejtim të vendit ku Trump po luante, por Shërbimi Sekret arriti të ndalonte sulmin përpara se të ndodhte ndonjë tragjedi.
Routh është pronar i një kompanie të vogël ndërtimi dhe ka shprehur mbështetje për Ukrainën në dhjetëra postime X në 2022-shin, duke thënë se ai ishte i gatshëm të vdiste në luftë. Ai ka një histori të mëparshme me ligjin, duke përfshirë një dënim për posedim të një mitralozi në vitin 2002. Routh është regjistruar si votues në Karolinën e Veriut dhe ka bërë disa donacione politike për kandidatët demokratë në vitet e fundit.
Përfaqësuesit e Trump kanë deklaruar se ish-presidenti është i sigurt dhe i paprekur nga incidenti. FBI dhe Shërbimi Sekret janë duke kryer një hetim të thelluar për të zbuluar motivet dhe rrethanat e këtij sulmi të mundshëm.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
Haram i muajit
KLIKO PËR TË VOTUAR
Gent Sejko
I pari në listë është Gent Sejko, Guvernatori i Bankës së Shqipërisë, i cili edhe pse e dinte për skemën zhvatëse të mikrokredive, nuk merrte masa, por “bashkëpunonte” me ta. Vetëvrasja e Pal Trashajt është edhe përgjegjësi e tij.
Agron Gaxho
Agron Gaxho, drejtori i spitalit në Elbasan, i cili shkarkoi nga puna një infermiere, me 34 vite punë, vetëm pse ajo denoncoi kushtet e këqija të spitalit në redaksinë e JOQ Albania. Vetëm një ditë pas denoncimit, Agron Gaxho firmosi lirimin e saj, me pretekstin se i ka prishur imazhin institucionit.
Anastas Angjeli
Anastas Angjeli, ish-ministri i cili po torturon shoferët shqiptarë, të cilët e kanë siguruar makinën me kompaninë e tij, “Ansig”. Shumë qytetarë e kanë denoncuar për mashtrime dhe zvarritje të procesit të dëmshpërblimit, madje kanë dyshime se kompania mund të ketë falimentuar fare pasi kanë mbi 1 vit që presin.
Gjovalin Loka
Gjovalin Loka, drejtori i policisë Korçë, i cili iu bënte presion dhe dhunonte fermerët që protestonin, duke urdhëruar efektivët e policisë, t’i shtynin sa më fort. Ai madje urdhëroi edhe gjobitjen e tyre, me vlera që shkonin deri në 1 milionë lekë. Nga pamjet u pa se si Gjovalini, kujdesej vetë që fermerët të mos ngrinin zërin, për hallin e tyre.
Atdhe Islami
Atdhe Islami, është pronari i një byrektoreje në Dhërmi, shpifës dhe abuzues i niveleve të larta. Përveçse i faturon pushuesit me çmime të larta në byrektoren e tij, por edhe shpif ndaj medias, JOQ, se e kanë shantazhuar dhe i kanë kërkuar lekë për publikimin e një fotoje.
Ermal Dredha
Ermal Dredha, kryebashkiaku i Vlorës, i cili duket se gjatë gjithë kohës është me pushime dhe ka harruar punët e qytetit. Zjarri në landfillin e mbeturinave, për të disatën herë në Vlorë, është përgjegjësi direkte e tij, pasi nuk mori masa paraprake dhe për disa ditë me radhë helmoi banorët dhe pushuesit.
