Biznesmeni Fatmir Bektashi pak ditë më parë është paraqitur në Prokurorinë e Posaçme (SPAK) në kuadër të hetimeve për privatizimin e ish-kompleksit "Partizani".
SPAK i ka komunikuar biznesmenit akuzat "korrupsion aktiv" dhe “pastrim parash' dhe e ka marrë të pandehur.
Duke u ndalur te pastrimi i parave përmendim faktin se shoqëria ndërtuese "Kontakt" e administruar nga Bektashi është tepër e njohur për cilësinë e dobët të ndërtimeve dhe çmimet e larta.
Denoncimet e mbërritura në redaksinë e JOQ ALBANIA për këtë kompani që ka ndërtuar pallate në çdo cep të Tiranës janë të shumta.
Të favorizuar nga qarkullimi i stërmadh i parasë informale kesh, kryesisht me burim nga droga, “Kontakt” shet apartamente me cilësi të dobët, me një çmim tepër të fryrë dhe që nuk i përgjigjet vlerës reale të apartamentit e cila natyrisht mbivlerësohet.
Edhe pse qytetarët derdhin djersën me vite për të blerë një apartament, “tallja” që marrin nga ndërtuesit, në këtë rast “Kontakt” është tepër e madhe.
Por duke qenë se investimi i tyre është me para droge, kuptohet më së miri përkushtimi që tregojnë më pas në zhvillimin dhe ndërtimin e projekteve.
