Hati dhe Jashari, çifti që njihet për jetën e luksit, janë gjobitur pasi kanë tejkaluar shpejtësinë e lejuar dhe iu sekuestrua makina.
Menjëherë pas kësaj, Hati reagoi me një postim në “Instagram”, ku shkruante: “Bravo policia për punën e lodhshme dhe të pandalur! Keni kapur kriminelen më të fortë sot për sot!”, teksa e shoqëronte me disa postime ironike si: “Jemi që jemi, po shkojmë për makinën e radhës! Apo ikim jetojmë në Dubai?”.
Mirëpo reagimet e saj nuk mbaruan këtu
“Një rritje rrogash për policinë se kanë bërë alamet kapjeje 19-vjeçare”, tha dhe shtoi se “edhe në këto raste” e gjen kohën për të bërë vlog.
Mbrëmjen e djeshme, Hati tregoi në “TikTok” çastin kur e ndaloi policia dhe kur e shoqëruan në komisariat.
“Dikush nga ju më ka kallëzuar”, tha gjatë videos së saj.
Në fund ajo përfundon duke thënë: “Në fund të ditës e ‘hamë’ ne njerëzit e thjeshtë, ndërkohë këto kamikazët e rrugës nuk pësojnë asgjë”.
