Një 19-vjeçar nga Finlanda ka rënë në prangat e policisë në Tiranë, pasi dyshohet për përndjekjen e një vajze të mitur 15-vjeçare.
Vajza ishte njohur me të riun nëpërmjet rrjeteve sociale dhe kishin komunikuar për rreth dy muaj.
Megjithatë, kur vajza vendosi të ndërpresë kontaktet, 19-vjeçari, palestinez por me pasaportë finlandeze, u acarua dhe udhëtoi nga Finlanda drejt Shqipërisë për ta kërkuar.
Ai ka qëndruar afër shtëpisë së vajzës, duke krijuar shqetësim për të.
Pas njoftimit të policisë, 19-vjeçari u arrestua dhe iu gjet një thikë, duke u akuzuar për përndjekje dhe posedim të armëve të ftohta.
