Legjenda e rock-ut, Jon Bon Jovi, është vlerësuar nga policia për ndihmën që i dha një gruaje e cila donte të hidhej nga një urë në Nashville, Tennessee, të martën mbrëma.
Departamenti i Policisë Metropolitan Nashville ndau një video të këngëtarit të Bon Jovi dhe ekipit të tij që ishin në urën e këmbësorëve John Seigenthaler kur gruaja po tentonte të hidhej në lumin Cumberland.
Bon Jovi, 62 vjeç dhe të tjerë folën me gruan dhe e bindën atë që të hiqte dorë nga vendimi për t'u hedhur nga ura. Bon Jovi dukej se ishte në Nashville duke xhiruar një video muzikore në urë, sipas pamjeve të postuara në mediat sociale.
Në videon e publikuar nga policia, një grua shihet duke u mbajtur pas parmakut teksa qëndronte në parvazin e urës. Pas rreth një minute, Bon Jovi shkon te gruaja dhe me ndihmën e një gruaje tjetër, ata e kthejnë gruan në vendkalimin e këmbësorëve në urë dhe Bon Jovi e përqafon.
Pak minuta më vonë pamjet e policisë tregojnë Bon Jovi duke u larguar nga ura me të.
