Një 57-vjeçar, banues në Tiranë është vënë në pranga nga Policia e Lezhës pasi mashtronte bizneset nëpërmjet një identitet fals për t'u marrë para.
Bëhet fjalë për shtetasin R.M. i cili dyshohet se në bashkëpunim me një person tjetër të paidentifikuar, kanë komunikuar në aplikacionin “Signal” në emër të një përfaqësuesi vendor dhe kanë përfituar 3 milionë lekë nga administratori i një subjekti privat.
Mbi të rëndon vepra penale “Mashtrimi” me pasoja të rënda, i kryer në bashkëpunim.
Materialet i kanë kaluar Prokurorisë pranë Gjykatës së Shkallës së Parë të Juridiksionit të Përgjithshëm Lezhë për të ndërmarrë veprime të mëtejshme lidhur me ngjarjen.
