Suellen Carey, influencere dhe modele 36-vjeçare nga Brazili, u martua vitin e kaluar me veten, në Londër.
Ky akt i pazakontë dhe i çuditshëm bëri xhiron e rrjetit.
Arsyeja që e shtyu drejt martesës me veten ishin marrëdhëniet e dështuara që kishte pasur më parë.
Mirëpo pas një viti, Suellen njoftoi se kishte vendosur të divorcohej me veten, sepse pavarësisht nga përpjekjet e saj për të ecur përpara në këtë marrëdhënie, duke përfshirë edhe seancat e terapisë për çiftin(veten), u bind se nuk ishte e qëndrueshme.
Ndonëse në fillim ishte e kënaqur, me kalimin e kohës ndihej e vetmuar.
Në një intervistë të fundit, Suellen theksoi se ishte e lodhur nga presioni për të qenë e përsosur dhe për të përmbushur pritshmëritë e larta.
“Vetë-analiza dhe reflektimi janë të nevojshme,” tha dhe pranoi se martesa me veten kishte gjithashtu sfida.
Gjithashtu, vuri theksin te rëndësia e të kuptuarit se kur duhet të përfundojë një cikël, qoftë edhe me veten.
Kujtojmë se para tri vitesh, edhe modelja braziliane, Cris Galera u martua me veten.
