Një 36 vjeçar është vënë në pranga pasi tentoi të fuste një dron në burgun e Burrelit.
Bëhet fjalë për shtetasin Taulant Ahmetsulaj.
Droni u pa të dielën dhe sipas Drejtorisë së Burgjeve pajisja u ngrit nga grupet kriminale për të marrë pamje. Droni nuk përmbante sende të ndaluara, teksa do t’i nënshtrohet ekspertimit daktiloskopik me qëllim identifikimin e gjurmëve papilare, dhe më pas ekspertimit kompjuterik për të identifikuar numrin IMEI dhe çdo informacion të administruar nga kjo pajisje.
Ndërsa autori i dyshuar, Ahmetsulaj, u paraqit me dëshirë në Prokurori dhe tha se droni është i të birit katër vjeç dhe ky i fundit i ka thënë se i ka humbur droni.
Pavarësisht nga dëshmia e tij në Prokurori mbetet i dyshuari kryesor teksa hetimet vazhdojnë për të zbardhur ngjarjen.
